பார்கின்சன் நோய் பாகம் -2

 

பார்கின்சன் நோய் பாகம் -1 

சென்ற தொடரில் பார்கின்சன் நோயை பற்றிய அறிமுகம், காரணங்கள், அறிகுறிகள் மற்றும் பல தகவல்களை பார்த்தோம். இத்தொடரில் பார்கின்சன் நோயை கண்டறியவும் சிகிச்சை மேற்கொள்ளவும் பயன்படும் மருத்துவ சோதனைகள், மேலாண்மை முறைகள், நோய்த்தாக்கத்தை குறைக்கும் தீர்வுகள் மற்றும் நவீன சிகிச்சை முறைகள் பற்றிப் பார்க்கலாம்.

பார்கின்சன் நோயை கண்டறிய பயன்படும் மருத்துவச் சோதனைகள்: 

1. MRI (Magnetic Resonance Imaging): மூளை அமைப்பை ஆராய உதவும்.
2. CT ஸ்கேன்: மூளையின் துல்லியமான படங்களை அளிக்கும்.
3. DaTscan (Dopamine Transporter Scan): டோபமைன் செல்களின் செயல்பாடுகளை மதிப்பீடு செய்ய பயன்படும்.
4. PET (Positron Emission Tomography): மூளையில் டோபமைன் செயல்பாட்டை நேரடியாக கண்காணிக்கவும், நோயின் முன்னேற்றத்தைத் துல்லியமாக மதிப்பீடு செய்யவும் உதவுகிறது.

மருத்துவ மேலாண்மை

குறிப்பு: நரம்பியல் நிபுணர்களின் வழிகாட்டுதலுடன் சிகிச்சை மேற்கொள்ள வேண்டும்.

பார்கின்சன் நோயை முழுமையாக குணப்படுத்த இயலாது என ஆய்வுகள் தெரிவிக்கின்றன. ஆனால், நோயின் அறிகுறிகளை கட்டுக்குள் கொண்டு வருவதன் மூலம் வாழ்க்கைத் தரத்தையும் உடல் இயக்க திறனையும் மேம்படுத்த முடியும்.

பார்கின்சன் நோய்க்கு தரப்படும் முக்கிய மருந்துகள்:

1. லெவோடோபா (Levodopa) மற்றும் கார்பிடோபா (Carbidopa):டோபமைன் அளவை அதிகரிக்கபயன்படும். அதிக அளவில் பயன்படுத்தினால்   மனத்துடிதுடிப்பு, மலச்சிக்கல் ஏற்படுலாம்

2. டோபமைன் அகோனிஸ்ட் மாத்திரைகள்பிராமிபெக்சோல் (Pramipexole), ரோபினிரோல் (Ropinirole) போன்றவை.அதிக அளவில் எடுத்துக்கொண்டால் மன அழுத்தம் போன்ற பக்கவிளைவுகள் ஏற்படலாம்.

அறிகுறிகள் நோயாளிகளுக்கு வேறுபடக்கூடியவை. இதனால், அறிகுறிகள் தென்படுகின்றதுமே நரம்பியல் நிபுணரை அணுகுவது அவசியம்.

நோய்த்தாக்கத்தை குறைக்கும் மற்ற மேலாண்மைகள்

1. உடற் பயிற்சிகள்:தகுந்த உடற்பயிற்சிகளின் மூலம் இயக்க திறனை மேம்படுத்தலாம்த. இதற்க்கு இயன்முறை மருத்துவத்தின் மூலம் நோயின் அறிகுறிகளை மற்றும் பாதிப்புகளை வைத்து உடற் பயிற்சி மேற்கொண்டு உங்கள் உடல் இயக்கத்தை முறைமை படுத்த உதவும். அது உங்களின் வேலைகள் செய்வதிலும் நடப்பதற்கும் மிகவும் உதவியாக இருக்கும்

2. பேச்சு பயிற்சி:பேச்சு மற்றும் விழுங்குதல் சிரமங்களை தவிர்க்க, பயிற்சியாளரை அணுகவும்.

3. செயல்முறை மருத்துவம்:தினசரி செயல்பாடுகளை எளிதாக்க பயிற்சி தேவையானது.

4. உணவியல் ஆலோசனை:சரியான உணவியல் நிபுணரின் ஆலோசனை கொண்டு ஆரோக்கியத்தை மேம்படுத்தலாம்.

5. மனநல ஆலோசனை:மன அழுத்தத்தை குறைக்க மனநல நிபுணரின் ஆலோசனை பெறலாம்.

6. யோகா மற்றும் தியானம்:மன அமைதியை அதிகரிக்க உதவும்.

நவீன சிகிச்சை முறைகள்:

1. டிப் ப்ரெயின் ஸ்டிமுலேஷன் (Deep Brain Stimulation - DBS):இந்த சிகிச்சை முறையானது மூளையில் உள்ள குறிப்பிட்ட பகுதிகளில் முக்கியமாக டோபமைன் சுரக்கும் பகுதிகளான சுப்தாலமஸ் (Subthalamic Nucleus) அல்லது குளோபஸ் பேலிடஸ் (Globus Pallidus) பகுதிகளில் சிறிய மின்கோடுகள் (electrodes) மூளையில் பொருத்தப்பட்டு மின்சிகிச்சை வழங்கும் ஒரு அறுவைச் சிகிச்சை முறையாகும். இது பார்கின்சன் நோயின் மருந்தின் தேவை குறைக்க உதவும் மற்றும் இயக்க செயல்பாட்டை அதிகரிக்கும்  முறைமையாக்கும்.

2. டிரான்ஸ்-க்ரேனியல் மக்கினேட்டிக் ஸ்டிமுலேஷன் (Transcranial Magnetic Stimulation - TMS):மூளையின் மேற்புறத்தில் மின்னழுத்தம் ஏற்படுத்தும் சிகிச்சை முறை.இதன் பயன்பாடு குறித்த ஆய்வுகள் சென்று கொண்டு இருகின்றன

3. ஸ்டெம் செல் சிகிச்சை (Stem Cell Therapy):இந்த சிகிச்சை முறை நோயாளியின் உடலிலிருந்து அல்லது தானமாக வழங்கப்படும் மூல செல்களை வைத்து உடலில் செலுத்தி சேதம் அடைந்த செல்களை சரி செய்யவும்  புதிய டோபமின் நரம்பு செல்களை உருவாக்கி மூளையின் சேதத்தை சரிசெய்யும் முறையாக செயல்படுகிறது

இவை அனைத்தும் தகவல் பகிர்வுக்காக மட்டுமே. சிகிச்சைக்கு நரம்பியல் நிபுணரை அணுகுவது அவசியம்.

நன்றி.

உங்கள் சந்தேங்கள் மற்றும் கருத்துகளுக்கு nvinkumar987@gmail.com மின்னஞ்சல் செய்யலாம்.

நவின் ஆர் குமார்

06/01/25