பலருக்கு இணையத்தில் எந்தவொரு சம்பவங்களுக்கும் கருத்து தெரிவிக்க வேண்டும் இல்லையெனில் அவர்களை சமூகத்தில் இருந்து வெளிநபராக கருதுவார்கள் என்ற நினைப்பில் பலர் வாழுகின்றனர். அதற்கு சமீபமாக பல சம்பவங்களை கூறலாம். அதில் முதலாவதாக வருவது மனம் மற்றும் உள நல அலோசக பெருமக்கள். தொலை தூர கல்வியில் உளவியல் சார்ந்த ஏதோ ஒரு மூன்று மாத கால பயிற்சி அல்லது உளவியல் சார்ந்த சான்றிதழ் வைத்து கொண்டு தாங்கள் பெரிய மன நல அலோசகர் என்ற பெயரில் உலா வருகின்றனர். பல youtube சேனல்கள், செய்தி தாள்களில் கட்டுரைகள், தொலைகாட்சிகளின் பங்களிப்பு என பல வழிகளில் செயல்படுகின்றனர். சமீபத்தில் குமுதம் இணைய இதழில் வெளிவந்த கட்டுரை ஒன்றை படித்தேன் "அரசுத்துறையில் 70 சதவீத போலி மனநல ஆலோசகர்கள்- அதிர்ச்சி ரிப்போர்ட்!" என்ற தலைப்பில்
அதில் கூறப்பட்டுள்ளது சில விஷயங்கள் பின் வருமாறு
மனநல மருத்துவர்? மனநல ஆலோசகர்?
முதலில், மனநல மருத்துவர்கள் யார்? மனநல ஆலோசர்கள் யார் என்பதை புரிந்துகொண்டால்தான் இதில் நடக்கும் முறைகேடுகளையும் புரிந்து கொள்ள முடியும்.
எம்.பி.பி.எஸ் முடித்து எம்.டி. மனநல மருத்துவம் படித்தவர்கள் சைக்கியாட்ரிஸ்ட் எனப்படும் மனநல மருத்துவர்கள். இவர்கள், மன நலம் பாதிக்கப்பட்ட நோயாளிகளுக்கு மருந்து மாத்திரைகள் மூலம் சிகிச்சை அளிப்பார்கள். சைக்காலஜிஸ்ட் எனப்படும் மன நல ஆலோசகர்கள் மருந்து, மாத்திரைகள் கொடுத்து சிகிச்சை அளிப்பதில்லை; அப்படி சிகிச்சை அளிக்கவும் கூடாது. கவுன்சிலிங் எனப்படும் உளவியல் ஆலோசனைகளை வழங்குவார்கள். இதில், மருத்துவ உளவியல் நிபுணர்கள்(Clinical Psychologist), உளவியல் (Psychologist) நிபுணர்கள் என்று இரண்டுவிதமான மனநல ஆலோசகர்கள் இருக்கிறார்கள். இந்த உளவியல் நிபுணர்கள் நியமனத்தில்தான் போலியான, தகுதியற்றவர்கள் நியமிக்கப்பட்டிருக்கிறார்கள்.
கிளினிகல் சைக்காலஜிஸ்ட் எனப்படும் மருத்துவ உளவியல் நிபுணர்கள் யார்? சைக்காலஜிஸ்ட் எனப்படும் உளவியல் நிபுணர்கள் யார்?
பி.எஸ்.சி சைக்காலஜி படித்து எம்.எஸ்.சி., எம்.பில் ரெகுலரில் படித்த கிளினிகல் சைக்காலஜிஸ்ட் எனப்படும் மருத்துவ உளவியல் நிபுணர்கள் டெல்லியிலுள்ள Rehabilitation Council of India ஆணையத்தில் பதிவு செய்திருக்கவேண்டும். சென்னை அயனாவரத்திலுள்ள கீழ்ப்பாக்கம் மனநல மருத்துவமனையின் இயக்குனர் தலைமையிலான மனநல ஆணையத்திலும் பதிவு செய்திருக்கவேண்டும். இவர்கள்தான், சுகாதாரத்துறையின் திட்டங்களில் பணியாற்ற தகுதி வாய்ந்தவர்கள் என்பதை (mental health care act 2018, national allied healthcare professions bill 2021) மன நல பாதுகாப்பு சட்டங்கள் தெளிவாக சொல்கின்றது.
மக்கள் உளவியல் மற்றும் மனம் சார்ந்த பிரச்சினைகளை சரி செய்ய வேண்டும் என முடிவு எடுத்தவுடன் நீங்கள் அலோசனை பெற போகும் மனநல ஆலோசகர் படிப்பு மற்றும் இதர விடயங்களை அறிந்த பின் செல்லவும்.
நவீன காலத்தில் மனம் மற்றும் உள்ளம் சார்ந்த பிரச்சனைகளில் பலர் சிக்கித் தவிக்கிறார்கள். அதில் இருந்து தப்பிக்க முடியாமல் பலர் உயிர் மாய்த்து கொள்கிறார்கள். இதற்க்கு சரியாக வழிகாட்டலும விழிப்புணர்வும் இல்லாதது என கூறலாம்
Certified parenting counsellor, Certified Teenage Counsellor என பல தரப்பட்ட சான்றிதழ்கள் வழங்கும் கம்பெனிகள் இருக்கின்றன.Social media Influencers என பெயரில் உலா வரும் மாமனிதர்கள் பட்டங்கள் பல பெயர் பின் இருக்கிறது.
முற்போக்கான சிந்தனையில் செயல்பட்டு.மனநலம் சார்ந்த பிரச்சனைகளில் இருந்து விடுபட சரியான ஆலோசகரை தேர்வு செய்து. அதில் இருந்து வெளியே வாருங்கள்.
இணைய மனநல ஆலோசகர் போர்வையில் இயங்கும் நபர்களிடம் எச்சரிக்கையாக இருங்கள்.
நவின் ஆர் குமார்
23/09/2023
Comments